onsdag 15. februar 2012

Ei skikkeleg smart bok

Skal nettbrettet fungere i norsk skule, må nokon produsere innhaldet. Gyldendal har teke dette ansvaret på alvor. Med smartbok.no har dei lansert ein portal som gjev elevane ei digital lærebok som det luktar framtid av.

Lat det vere sagt: Den smarte boka ser framleis ut som ei bok. Du blar i ei bok. Det er trygt og det er kjent, men det er så mykje meir. Her er bilete, videoklipp, noterings- og markeringsverkty og dessutan er all brødteksten lesen inn av skodespelarar. Du kan altså lære både ved å sjå, lytte
og lese.

Fram til sommaren kan ein prøve ut verktyet gratis, men til skulestart vil det vere klart til bruk for pc og iPad. Versjonen til Android kjem til seinare i haust. Dei andre forlaga kjem nok etter, men førebels verkar det som Gyldendal har teke leiinga, og det er herleg med digitale bøker som er meir enn ein pdf.

Ingen kommentarer:

Legg inn en kommentar